വാഷിങ്ടന്‍ : ഡോണള്‍ഡ് ട്രംപ് യുഎസ് പ്രസിഡന്റായി അധികാരമേറ്റ ചടങ്ങില്‍ ഖലിസ്ഥാന്‍ ഭീകരന്‍ ഗുര്‍പട്വന്ത് സിങ് പന്നുവും പങ്കെടുത്തെന്ന് ചിത്രം അടക്കം പ്രചരിക്കുന്നു.ചടങ്ങിനായി ട്രംപും ഭാര്യ മെലാനിയയും വേദിയിലെത്തിയപ്പോള്‍ എല്ലാവരും ‘യുഎസ്എ, യുഎസ്എ’ എന്നു മുദ്രാവാക്യം മുഴക്കി. ഈ സമയത്ത് ‘ഖലിസ്ഥാന്‍ സിന്ദാബാദ്’ എന്നു മുദ്രാവാക്യം വിളിക്കുന്ന പന്നുവാണു വീഡിയോയിലുള്ളത്. വീഡിയോ പകര്‍ത്തിയത് ആരെന്ന് വ്യക്തമല്ല.
— Sputnik India (@Sputnik_India) January 21, 2025
Khalistani terrorist Pannun AWKWARDLY MURMURS extremist slogans at
Trump's inauguration pic.twitter.com/sTcCfhkKY2
ചിലപ്പോള്‍ പന്നു തന്നെ സെല്‍ഫി വീഡിയോ ചിത്രീകരിച്ചതാകാനും സാധ്യതയുണ്ടെന്ന് വിലയിരുത്തലുണ്ട്. എന്നാല്‍, പന്നുവിന്റെ വീഡിയോയെപ്പറ്റി ഔദ്യോഗിക സ്ഥിരീകരണമില്ല.മറ്റാരുടെയെങ്കിലും പേരിലോ അല്ലെങ്കില്‍ ഉയര്‍ന്ന തുക നല്‍കിയോ ആകാം പന്നു ടിക്കറ്റ് സംഘടിപ്പിച്ചതെന്ന് ചിലര്‍ ചൂണ്ടിക്കാട്ടുന്നു. ട്രംപുമായി ബന്ധമുള്ളയാളാണ് താനെന്ന് കാണിക്കാന്‍ ഈ അവസരം ഉപയോഗിച്ചതുമാകാം.
2020 ജൂലൈ മുതല്‍ പന്നുവിനെ ഇന്ത്യ ഭീകരവാദിയായി പ്രഖ്യാപിച്ചിരിക്കുകയാണ്. പഞ്ചാബിലെ യുവാക്കളെ സമൂഹമാധ്യമങ്ങളിലൂടെ ഇന്ത്യയുടെ പരമാധികാരത്തെയും സുരക്ഷയെയും വെല്ലുവിളിക്കാന്‍ പന്നു പ്രേരിപ്പിക്കുന്നെന്നാണു കേന്ദ്ര സര്‍ക്കാര്‍ ചൂണ്ടിക്കാട്ടുന്നത്.
