ഡോ. മധു നമ്പ്യാർ
ലീസ്ബർഗ്, വെർജീനിയ: നായർ സൊസൈറ്റി ഓഫ് ഗ്രേറ്റർ വാഷിംഗ്ടൺ (NSGW) വിഷു ആഘോഷം മനംനിറച്ചു. ലീസ്ബർഗിലെ വാട്ട്സൺ മൗണ്ടൻ മിഡിൽ സ്കൂളിൽ നടന്ന ഈ മഹോത്സവം വാഷിംഗ്ടൺ ഡി.സി., മേരിലാൻഡ്, വെർജീനിയ പ്രദേശത്തെ മലയാളി കുടുംബങ്ങളുടെ സംഗമമായി മാറി. വിഷുക്കണിയും കൈനീട്ടവും നൽകി കൊണ്ടാണ് ദിനാഘോഷങ്ങൾക്ക് തുടക്കമായത്. തുടർന്ന് വാഴയിലയിൽ വിളമ്പിയ സമൃദ്ധമായ വിഷു സദ്യ പങ്കെടുത്ത എല്ലാവരുടെയും മനസ്സ് നിറച്ചു.കേരളത്തിന്റെ രുചിയും ഓർമ്മകളും നിറഞ്ഞ സദ്യ പുതുവത്സരത്തിന്റെ ആഘോഷങ്ങൾ കൂടുതൽ ഉജ്ജ്വലമാക്കി.
സാംസ്കാരിക പരിപാടികൾക്ക് തുടക്കം കുറിച്ചത് ചെറുക്കുട്ടികളുടെ മനോഹരമായ കൃഷ്ണ–രാധാ പ്രദക്ഷിണം ആയിരുന്നു. പരമ്പരാഗത വേഷത്തിൽ അണിഞ്ഞ് എത്തിയ കുട്ടികളുടെ സാന്നിധ്യം വേദിയെ ആവേശത്തിൽ ആറാടിച്ചു.തുടർന്ന് “ജയ ജയ സ്വാമിൻ – ശ്രീ ഗണേശ കീര്ത്തനം” എന്ന ഭരതനാട്യം അവതരിച്ചു.
രിഷിക നമ്പ്യാർ (വോക്കൽ), വൈഷ്ണവി നായർ (നൃത്തം), വിജയ് ശ്രീറാം (മൃദംഗം), ശ്രേയ പ്രസന്ന (വയലിൻ) എന്നിവരുടെ സമന്വയ പ്രകടനം പ്രേക്ഷകരെ ആകർഷിച്ചു. ചെറുകുട്ടികളുടെ നൃത്തസംഘമായ Malayali Marvels ന്റെ ആവേശഭരിതമായ പ്രകടനം വേദിയെ കൂടുതൽ ചടുലമാക്കി.സമൂഹത്തിലെ മുതിർന്ന അംഗങ്ങളും NSGW പ്രസിഡന്റായ ജിനേഷ് കൊളുപ്പറമ്പിലും ചേർന്ന് ഭദ്രദീപം തെളിയിച്ചു. പ്രസിഡന്റിന്റെ ഉദ്ഘാടന പ്രസംഗത്തിൽ NSGW 2026 ലെ നേട്ടങ്ങളും വരാനിരിക്കുന്ന പരിപാടികളും അവതരിപ്പിച്ചു. പരിപാടിയുടെ എല്ലാ സ്പോൺസർമാർക്കും പ്രസിഡന്റ നന്ദി അറിയിച്ചു. NSGW പ്രസിഡന്റ്-ഇലക്ട് ശ്രീജിത് നായർ, ശ്യാമംബരം ഫോട്ടോ മത്സരത്തിലെ വിജയികളെ പ്രഖ്യാപിച്ചു.സജി ജോസ്, നിഫി സജി എന്നിവർ മത്സരത്തിന്റെ വിധികർത്താക്കളായിരുന്നു.
ദിവസത്തിന്റെ പ്രധാന ആകർഷണമായിരുന്നു NSGW യുവതാരങ്ങൾ അവതരിപ്പിച്ച ദശാവതാര നൃത്തനാടകം. മഹാവിഷ്ണുവിന്റെ പത്ത് അവതാരങ്ങളെ അതിസുന്ദരമായ വേഷഭൂഷണങ്ങളിലും സമന്വയിച്ച ചുവടുകളിലും അവതരിപ്പിച്ച ഈ നാടകം പ്രേക്ഷക ശ്രദ്ധ നേടി.സാംസ്കാരിക പരിപാടികളിൽ മായ മുരളി, ശ്രീധ റെജീഷ് എന്നിവർ അവതരിപ്പിച്ച ശ്രീ ചാമുണ്ഡേശ്വരി, യുവ്ന മേനോൻ അവതരിപ്പിച്ച ശബ്ദം, സുന്ദരേഷ് മാലികയിൽ, ദേവ്കി പുല്ലഞ്ചോടൻ എന്നിവരുടെ ഗാനങ്ങൾ, സ്മേര–സവേര–സാധിക എന്നിവർ അവതരിപ്പിച്ച ഭജന എന്നിവയും ശ്രദ്ധേയമായി.
ദിവ്യ മേനോൻ, വിജയേത വസന്ത്, സ്വപ്ന അയ്യങ്കാർ, മിനു നായർ, രഞ്ജന മേനോൻ, ടീന കുര്യൻ, സപ്ന നായർ, ബിന്ദു രാജീവ് എന്നിവർ അവതരിപ്പിച്ച മനോഹരമായ ഗ്രൂപ്പ് ഡാൻസ് വേദിയെ ഹൃദ്യമാക്കി.പരിപാടികൾക്ക് സമാപനം കുറിച്ചത് അനിമ പ്രഭാകരൻ, വിനോദ് നായർ എന്നിവർ ചേർന്ന വോട്ട്ഓഫ് താങ്ക്സ് ആയിരുന്നു. കലാകാരന്മാർക്കും സന്നദ്ധ പ്രവർത്തകർക്കും സ്പോൺസർമാർക്കും സമൂഹാംഗങ്ങൾക്കും അവർ ഹൃദയപൂർവ്വം നന്ദി രേഖപ്പെടുത്തി.
വൈവിധ്യമാർന്ന കലാപരിപാടികളും ആവേശകരമായ പങ്കാളിത്തവും സമുദായ ഐക്യത്തിന്റെ ചൂടും നിറഞ്ഞ NSGW വിഷു 2026, വാഷിംഗ്ടൺ ഡി.സി., മേരിലാൻഡ്, വെർജീനിയ മലയാളി സമൂഹത്തിന്റെ സാംസ്കാരിക അഭിമാനത്തിന്റെയും ഐക്യത്തിന്റെയും മനോഹര ഉദാഹരണമായി മാറി.
