ന്യൂഡൽഹി : യാത്രാ പ്രതിസന്ധി രൂക്ഷമായ ഡിസംബർ 3, 4, 5 തീയതികളിൽ വിമാനത്താവളങ്ങളിൽ കുടുങ്ങിയ യാത്രക്കാർക്ക് ഇൻഡിഗോ 10,000 രൂപയുടെ ട്രാവൽ വൗച്ചർ നൽകും. അടുത്ത 12 മാസത്തിനുള്ളിൽ ഇൻഡിഗോ വിമാനത്തിലെ യാത്രയ്ക്ക് ഈ വൗച്ചർ ഉപയോഗിക്കാം. യാത്രക്കാർക്കുണ്ടായ ബുദ്ധിമുട്ടിന് നിയമാനുസൃതമുള്ള നഷ്ടപരിഹാരത്തിനു പുറമേയാണിത്.
യാത്രയ്ക്ക് തൊട്ടുമുൻപുള്ള 24 മണിക്കൂറിനിടെ ടിക്കറ്റ് റദ്ദായ എല്ലാവർക്കും റീഫണ്ടിനു പുറമേ യാത്രാദൈർഘ്യം അനുസരിച്ച് 5,000 രൂപ മുതൽ 10,000 രൂപ വരെ നഷ്ടപരിഹാരവും ലഭിക്കും.
