കീവ്: നാലുവർഷത്തോടടുക്കുന്ന റഷ്യ-യുക്രൈൻ യുദ്ധം തീർക്കാൻ താൻ മുന്നോട്ടുവെച്ച 28 ഇന സമാധാന പദ്ധതി അംഗീകരിക്കാൻ യുക്രൈൻ പ്രസിഡന്റ് വൊളോദിമിർ സെലെൻസ്കി ഇതുവരെ തയ്യാറായിട്ടില്ലെന്ന് യുഎസ് പ്രസിഡന്റ് ഡൊണാൾഡ് ട്രംപ്. കരാർ വിഷയത്തിൽ യുഎസ്-യുക്രൈൻ പ്രതിനിധികൾ നടത്തിയ ചർച്ച ശനിയാഴ്ച തീരുമാനാകാതെ അവസാനിച്ചതോടെയാണ് സെലെൻസ്കിക്കെതിരേ ട്രംപ് വീണ്ടും രംഗത്തെത്തിയത്.
യുഎസ് മുന്നോട്ടുവെച്ച കരാർ സെലെൻസ്കി ഇതുവരെ വായിച്ചുപോലും നോക്കിയിട്ടില്ലെന്നും അതിൽ താൻ നിരാശനാണെന്നും ട്രംപ് പറഞ്ഞു. “യുക്രൈൻജനതയ്ക്ക് കരാർ ഇഷ്ടപ്പെട്ടു. റഷ്യയ്ക്കും ഓകെയാണ്. പക്ഷേ, സെലെൻസ്കിക്ക് പിടിച്ചില്ല.” -ട്രംപ് പറഞ്ഞു.
