തമിഴ് നടനും തമിഴക വെട്രി കഴകം നേതാവുമായ വിജയ് ഇഫ്താർ സംഘടിപ്പിച്ചു

ചെന്നൈ: തമിഴ് നടനും തമിഴക വെട്രി കഴകം നേതാവുമായ വിജയ് ഇഫ്താർ സംഘടിപ്പിച്ചു. വെള്ളിയാഴ്ച ചെന്നൈയിലായിരുന്നു പരിപാടി.

വിജയ് വിശ്വാസികൾക്കൊപ്പം തൊപ്പി ധരിച്ച് പ്രാർഥനയിൽ പ​ങ്കെടുക്കുന്ന ചിത്രങ്ങളും വീഡിയോയും ​വൈറലാണ്. ഇവരോടൊപ്പം അദ്ദേഹം നോമ്പ് തുറക്കുകയും ചെയ്തു. തുടർന്ന് നമസ്കാരത്തിലും പ​ങ്കെടുത്തു.

റോയപേട്ടയിലെ വൈഎംസിഎ ഗ്രൗണ്ടിലാണ് ഇഫ്താർ സംഘടിപ്പിച്ചത്. ആയിരക്കണക്കിന് പേർ പരിപാടിയിൽ പ​ങ്കെടുത്തു. ക്ഷണം സ്വീകരിച്ചെത്തിയ എല്ലാവർക്കും വിജയ് നന്ദി പറഞ്ഞു.