ന്യൂഡൽഹി: ലോക്‌സഭാ തിരഞ്ഞെടുപ്പുമായി ബന്ധപ്പെട്ട് കമ്പനി സിഇഒ മാർക്ക് സക്കർബർഗിൻ്റെ പരാമർശത്തിൽ ആഗോള സോഷ്യൽ മീഡിയ ഭീമനായ മെറ്റ ഇന്ത്യയോട് മാപ്പ് പറഞ്ഞു. പ്രതിഷേധം രേഖപ്പെടുത്താൻ പാർലമെൻ്ററി പാനൽ മെറ്റാ പ്രതിനിധികളെ വിളിച്ചുവരുത്തിയതിന് തൊട്ടുപിന്നാലെയാണ് മാപ്പ് പറഞ്ഞത്. ജോ റോഗൻ പോഡ്‌കാസ്റ്റിൻ്റെ ഒരു എപ്പിസോഡിനിടെ സക്കർബർഗിന്റെ പരാമർശം.
കോവിഡ് -19 മഹാമാരി രാജ്യത്താകമാനം, ഇന്ത്യയുൾപ്പെടെ നിരവധി രാജ്യങ്ങളിലെ സർക്കാറുകളുടെ തകർച്ചക്കും വിശ്വാസ നഷ്ടത്തിനും കാരണമായെന്നായിരുന്നു സക്കർബർഗിന്റെ പ്രസ്താവന. എന്നാൽ സക്കർബർഗിന്റെ അഭിപ്രായങ്ങൾ പല രാജ്യങ്ങളിലും ശരിയാണെങ്കിലും ഇന്ത്യയെ സംബന്ധിച്ചിടത്തോളം ശരിയല്ലെന്ന് കമ്പനി പറഞ്ഞു. മെറ്റാ ഇന്ത്യയിൽ പബ്ലിക് പോളിസി ഡയറക്ടറായി സേവനമനുഷ്ഠിക്കുന്ന ശിവനാഥ് താക്കുറൽ, സിഇഒയുടെ ‘അശ്രദ്ധമായ പിഴവിന്’ ക്ഷമാപണം നടത്തി.
2024 ലെ തിരഞ്ഞെടുപ്പിൽ പല പാർട്ടികളും വീണ്ടും തിരഞ്ഞെടുക്കപ്പെട്ടില്ല എന്ന മാർക്കിൻ്റെ നിരീക്ഷണം പല രാജ്യങ്ങളിലും ശരിയാണ്. എന്നാൽ ഇന്ത്യയിൽ അങ്ങനെ സംഭവിച്ചില്ലെന്നും അദ്ദേഹം പറഞ്ഞു. പോഡ്‌കാസ്റ്റിൻ്റെ പ്രകാശനത്തിന് ശേഷം, കേന്ദ്രമന്ത്രി അശ്വിനി വൈഷ്ണവ് മെറ്റാ സിഇഒയുടെ പരാമർശങ്ങൾക്കെതിരെ ആഞ്ഞടിച്ചു. പ്രധാനമന്ത്രി നരേന്ദ്ര മോദിയുടെ മൂന്നാം തവണത്തെ വിജയം ‘നല്ല ഭരണത്തിൻ്റെയും പൊതുവിശ്വാസത്തിൻ്റെയും തെളിവാണ്’ എന്ന് അദ്ദേഹം ചൂണ്ടിക്കാട്ടി.
