സിഡ്നിയിലെ ഭജന പ്രേമികൾക്ക് ആവേശമായി നന്ദഗോവിന്ദം ഭജന സംഘത്തിന്റെ ‘ഗ്ലോബൽ ഭജൻ യാൻ’ സംഗീത നിശ ഒരുങ്ങുന്നു. കസമിയ എന്റർടൈൻമെന്റ്സ് അവതരിപ്പിക്കുന്ന ഈ പരിപാടിയുടെ ടിക്കറ്റുകൾ ഇതിനോടകം തന്നെ പൂർണ്ണമായും വിറ്റുതീർന്നതായി സംഘാടകർ അറിയിച്ചു. കലാകാരന്മാരുടെ വിസ നടപടികൾ വിജയകരമായി പൂർത്തിയായതോടെ മെയ് 3-ന് സിഡ്നിയിലെ (UNSW) സിർ ജോൺ ക്ലാൻസി ഓഡിറ്റോറിയത്തിൽ വെച്ച് ഭക്തിസാന്ദ്രമായ ഈ സംഗീത വിരുന്ന് അരങ്ങേറും.
സിഡ്നിയിലെ പ്രവാസികൾക്കിടയിൽ ലഭിച്ച മികച്ച പിന്തുണയ്ക്ക് നന്ദി അറിയിച്ച സംഘാടകർ, ഭക്തിയും സംഗീതവും ചേരുന്ന അവിസ്മരണീയമായ ഒരു സായാഹ്നമാകും ഇതെന്നും കൂട്ടിച്ചേർത്തു.
