ഭേദമാക്കാനാവാത്തതും മാരകവുമായ അര്ബുദങ്ങളിലൊന്നാണ് രക്താര്ബുദം അഥവാ ലുക്കീമിയ. എല്ലുകള്ക്കുള്ളിലെ മജ്ജയില് നിന്ന് ആരംഭിച്ച് രക്തകോശങ്ങളെ ബാധിക്കുന്ന രോഗമാണ് രക്താര്ബുദം. ഇത് രക്തം, അസ്ഥിമജ്ജ, ലിംഫ്, ലിംഫറ്റിക് സിസ്റ്റം എന്നിവയെയാണ് ബാധിക്കുന്നത്. രക്താര്ബുദം വേഗത്തില് പടരുകയും തലച്ചോറ്, നട്ടെല്ല്, എന്നിവയുള്പ്പടെ ശരീരത്തിലെ എല്ലാ ഭാഗങ്ങളിലും പടരുകയും ചെയ്യും. 2021 ല് ഏകദേശം 460,000 പുതിയ കേസുകളും അതേവര്ഷം 320,000ലധികം മരണങ്ങളും റിപ്പോര്ട്ട് ചെയ്തിട്ടുള്ള ഒരു പ്രധാന ആഗോള ആരോഗ്യ പ്രശ്നമാണ് രക്താര്ബുദം.
എന്നാല് ഇപ്പോള് രക്താര്ബുദം ഭേദമാക്കാനുള്ള ജീന്തെറാപ്പി കണ്ടുപിടിച്ചുവെന്ന ആശ്വാസകരമായ വാര്ത്തയാണ് പുറത്തുവരുന്നത്. ലണ്ടന് യൂണിവേഴ്സിറ്റി കോളജ്(UCL) , ഗ്രേറ്റ് ഓര്മണ്ട് സ്ട്രീറ്റ് ഹോസ്പിറ്റല്(GOSH) എന്നിവിടങ്ങളിലെ ശാസ്ത്രജ്ഞര് വികസിപ്പിച്ചെടുത്ത ജീന് തെറാപ്പി, രോഗംബാധിച്ച കുട്ടികള്ക്കും മുതിര്ന്നവര്ക്കും വലിയ പ്രതീക്ഷയാണ് നല്കുന്നത്.
