വാഷിംഗ്ടണ്‍: ട്രംപ് ഭരണകൂടത്തിന്റെ തീരുവകളെ ചോദ്യം ചെയ്ത് 12 അമേരിക്കന്‍ സംസ്ഥാനങ്ങളുടെ സഖ്യം ബുധനാഴ്ച ഒരു കേസ് ഫയല്‍ ചെയ്തു. കോണ്‍ഗ്രസിന്റെ അംഗീകാരമില്ലാതെ പ്രസിഡന്റിന് ഇത്തരം തീരുവകള്‍ സ്ഥാപിക്കാന്‍ കഴിയില്ലെന്ന് കേസില്‍ പറയുന്നു.
തെക്കുപടിഞ്ഞാറന്‍ സംസ്ഥാനമായ ഡെമോക്രാറ്റിക് നേതൃത്വത്തിലുള്ള മിനസോട്ട, ന്യൂയോര്‍ക്ക്, ഒറിഗോണ്‍ എന്നിവയും കേസ് ഫയലിംഗില്‍ ചേര്‍ന്നു. ഒരാഴ്ച മുമ്പ് കാലിഫോര്‍ണിയയും സമാനമായ ഒരു കേസ് ഫയല്‍ ചെയ്തിരുന്നു.
കേസില്‍, ട്രംപ് നടപ്പിലാക്കിയ 1977 ലെ നിയമം, താരിഫ് ചുമത്താന്‍ അടിയന്തര നടപടികള്‍ ഉപയോഗിക്കാന്‍ അദ്ദേഹത്തെ അനുവദിക്കുന്നില്ലെന്ന് സംസ്ഥാനങ്ങള്‍ വാദിക്കുന്നു. പ്രസിഡന്റ് ഭരണഘടനാ ക്രമം ലംഘിക്കുകയും അമേരിക്കന്‍ സമ്പദ്വ്യവസ്ഥയില്‍ കുഴപ്പങ്ങള്‍ സൃഷ്ടിക്കുകയും ചെയ്തുവെന്ന് കേസ് ആരോപിക്കുന്നു. പ്രസിഡന്റ് ട്രംപിന്റെ ഭ്രാന്തന്‍ താരിഫ് പദ്ധതി സാമ്പത്തികമായി അശ്രദ്ധമാണെന്ന് മാത്രമല്ല, അത് നിയമവിരുദ്ധവുമാണെന്ന് അരിസോണ അറ്റോര്‍ണി ജനറല്‍ ക്രിസ് മെയ്‌സ് പ്രതികരിച്ചു.
കഴിഞ്ഞ ആഴ്ച, കാലിഫോര്‍ണിയ ഗവര്‍ണര്‍ ഗാവിന്‍ ന്യൂസം ട്രംപിന്റെ താരിഫ് നയത്തെ ‘ഈ രാജ്യത്തിന്റെ ചരിത്രത്തിലെ ഏറ്റവും മോശം സ്വന്തം ലക്ഷ്യം’ എന്നാണ് വിളിച്ചത്.തന്റെ രണ്ടാം ടേമില്‍ വിപണികളെ പിടിച്ചുകുലുക്കിയാണ് ട്രംപിന്റെ തീരുവ പ്രഖ്യാപനങ്ങള്‍ വന്നത്. നിരവധി രാജ്യങ്ങള്‍ക്കെതിരായ പുതിയ താരിഫുകള്‍ സംബന്ധിച്ച തന്റെ പ്രഖ്യാപനങ്ങളിലൂടെ പതിറ്റാണ്ടുകളായി തുടരുന്ന സ്വതന്ത്ര വ്യാപാര നയത്തെ തലകീഴായി മാറ്റുകയും ചെയ്തു.
ട്രംപ് ചൈനയില്‍ 145 ശതമാനം അധിക ഇറക്കുമതി തീരുവ ചുമത്തി. ചൈനയാകട്ടെ യുഎസ് സാധനങ്ങള്‍ക്ക് 125 ശതമാനം തീരുവ ചുമത്തി പ്രതികരിച്ചു. അതേസമയം, ട്രംപ് മറ്റ് വ്യാപാര പങ്കാളികളില്‍ 10 ശതമാനം താരിഫ് ചുമത്തിയിട്ടുണ്ട്. തീര്‍ന്നില്ല, കൂടുതല്‍ പകരം തീരുവ ഏര്‍പ്പെടുത്തുമെന്ന് ഭീഷണിപ്പെടുത്തുന്നുമുണ്ട്.
