ഷാഫി പറമ്പിലിന്റെ പ്രമേയത്തിൽ സർക്കാർ വിയർക്കുന്നോ? സർ​ക്കാ​റി​നെ ​പ്ര​തി​രോ​ധ​ത്തി​ലാ​ക്കി വി​മാ​ന​ ടിക്കറ്റ് കൊ​ള്ളയിൽ വീണ്ടും ചർച്ച

ന്യൂ​ഡ​ൽ​ഹി: അ​നി​യ​ന്ത്രി​ത​മാ​യ വി​മാ​ന ടി​ക്ക​റ്റ് നി​യ​ന്ത്രി​ക്കാ​ൻ ക​ഴി​യാ​ത്ത കേ​ന്ദ്ര സ​ർ​ക്കാ​റി​നെ പ്ര​തി​രോ​ധ​ത്തി​ലാ​ക്കി ഷാ​ഫി പ​റ​മ്പി​ലി​ന്റെ പ്ര​മേ​യം ലോ​ക്സ​ഭ വീ​ണ്ടും ര​ണ്ട​ര മ​ണി​ക്കൂ​ർ നേ​രം ച​ർ​ച്ച​ക്കെ​ടു​ത്തു.

സാ​ധാ​ര​ണ ഗ​തി​യി​ൽ ഒ​രു സ്വ​കാ​ര്യ പ്ര​മേ​യ​ത്തി​ന് അ​നു​വ​ദി​ക്കു​ന്ന ര​ണ്ട് മ​ണി​ക്കൂ​ർ ച​ർ​ച്ച ചെ​യ്തു ക​ഴി​ഞ്ഞ ഷാ​ഫി​യു​ടെ സ്വ​കാ​ര്യ പ്ര​മേ​യ​ത്തി​ൽ 12 ഭ​ര​ണ- പ്ര​തി​പ​ക്ഷ എം.​പി​മാ​ർ കൂ​ടി സം​സാ​രി​ക്കാ​ൻ ബാ​ക്കി​യു​ള്ള സാ​ഹ​ച​ര്യ​ത്തി​ലാ​ണ് വീ​ണ്ടും ആ ​പ്ര​മേ​യ​ത്തി​ൽ ച​ർ​ച്ച​ക്ക് ര​ണ്ട് മ​ണി​ക്കൂ​ർ കൂ​ടി സ്പീ​ക്ക​ർ ഓം ​ബി​ർ​ള അ​നു​വ​ദി​ച്ച​ത്. കേ​ന്ദ്ര വ്യോ​മ​യാ​ന മ​ന്ത്രി​യെ ര​ണ്ട​ര മ​ണി​ക്കൂ​റോ​ളം സ​ഭ​യി​ൽ ഇ​രു​ത്തി​യാ​യി​രു​ന്നു ഷാ​ഫി​യു​ടെ പ്ര​മേ​യ​ത്തി​ലു​ള്ള ലോ​ക്സ​ഭ ച​ർ​ച്ച. പ്ര​തി​പ​ക്ഷ​ത്തു​നി​ന്ന് കെ.​സി. വേ​ണു​ഗോ​പാ​ലും ഡീ​ൻ കു​ര്യാ​ക്കോ​സും മ​ഹു​വ മൊ​യ്ത്ര​യും ച​ന്ദ്ര​ശേ​ഖ​ർ ആ​സാ​ദും അ​ട​ക്ക​മു​ള്ള​വ​ർ സ​ർ​ക്കാ​റി​നെ പ്ര​തി​ക്കൂ​ട്ടി​ലാ​ക്കി​യ​പ്പോ​ൾ ഭ​ര​ണ​പ​ക്ഷ​ത്തു​നി​ന്ന് രാ​ജീ​വ് പ്ര​താ​പ് റൂ​ഡി​യും നി​ഷി​കാ​ന്ത് ദു​ബെ​യും പ്ര​വീ​ൺ പ​ട്ടേ​ലും തീ​ർ​ത്ത പ്ര​തി​രോ​ധം ദു​ർ​ബ​ല​മാ​യി.

കൊ​ച്ചി​യി​ൽ​നി​ന്ന് ജി​ദ്ദ​യി​ലേ​ക്ക് 60,000 രൂ​പ വാ​ങ്ങു​ന്ന ദി​വ​സം അ​തി​​നേ​ക്കാ​ൾ ദൂ​രം കു​റ​വാ​യി​ട്ടും കോ​ഴി​ക്കോ​ട്ടു​നി​ന്ന് ഒ​രു ല​ക്ഷം രൂ​പ ഈ​ടാ​ക്കു​ക​യാ​ണ്. ഇ​തു​മൂ​ലം കോ​ഴി​ക്കോ​ട്ടെ യാ​ത്ര​ക്കാ​ര​ൻ ക​ണ്ണൂ​രി​ലേ​ക്കോ കൊ​ച്ചി​യി​ലേ​ക്കോ പോ​കേ​ണ്ടി​വ​രു​ക​യാ​ണെ​ന്ന് പ​റ​ഞ്ഞ വേ​ണു​ഗോ​പാ​ൽ അ​വ​രെ ശി​ക്ഷി​ക്കു​ന്ന​തെ​ന്തി​നാ​ണെ​ന്ന് ചോ​ദി​ച്ചു. ഉ​ത്സ​വ സീ​സ​ണി​ലേ​യും അ​വ​ധി​ക്കാ​ല​ത്തേ​യും അ​നി​യ​ന്ത്രി​ത​മാ​യ വി​മാ​ന ടി​ക്ക​റ്റ് വ​ര്‍ധ​ന നി​ര​ക്ക് ത​ട​യാ​ന്‍ ന​ട​പ​ടി വേ​ണ​മെ​ന്ന് പ്ര​മേ​യ ച​ർ​ച്ച​യി​ൽ ഡീ​ൻ കൂ​ര്യാ​ക്കോ​സ് എം.​പി ആ​വ​ശ്യ​പ്പെ​ട്ടു. ഫ്ല​ക്സി ഫെ​യ​റി​ന്റെ പേ​രി​ൽ ന​ട​ക്കു​ന്ന​ത് ചൂ​ഷ​ണ​മാ​ണെ​ന്നും സ​ർ​ക്കാ​ർ സ്വ​ത്ത് സ്വ​കാ​ര്യ ക​മ്പ​നി​ക​ൾ​ക്ക് കൊ​ള്ള​യ​ടി​ക്കാ​നാ​യി കൊ​ടു​ക്ക​രു​തെ​ന്നും ബി​ഹാ​റി​ൽ​നി​ന്നു​ള്ള സി.​പി.​ഐ (എം.​എ​ൽ) എം.​പി രാ​ജ റാം ​സി​ങ് അ​ഭി​പ്രാ​യ​പ്പെ​ട്ടു.