അ​ടൂ​രിൽ 17കാരിയെ ലൈം​ഗി​ക​പീഡനത്തിനിരയാക്കി: അഞ്ച്​ യുവാക്കൾ അറസ്റ്റിൽ

അ​ടൂ​ർ: പ​ത്ത​നം​തി​ട്ട ജി​ല്ല​യി​ൽ​നി​ന്ന്​ മൂ​ന്നാ​ഴ്ച​ക്കി​ടെ മ​​റ്റൊ​രു ഞെ​ട്ടി​ക്കു​ന്ന ലൈം​ഗി​ക​പീ​ഡ​ന സം​ഭ​വം​കൂ​ടി പു​റ​ത്തു​വ​രു​ന്നു. 17കാ​രി നി​ര​ന്ത​ര ലൈം​ഗി​ക പീ​ഡ​ന​ത്തി​ന്​ ഇ​ര​യാ​യ​താ​യാ​ണ്​ ക​ണ്ടെ​ത്ത​ൽ. സം​ഭ​വ​ത്തി​ൽ അ​ടൂ​രി​ൽ അ​ഞ്ച്​ യു​വാ​ക്ക​ൾ അ​റ​സ്റ്റി​ലാ​യി. ക​ഴി​ഞ്ഞ​ ഏ​പ്രി​ലി​ൽ പ്ര​ണ​യ​ത്തി​ലാ​യ​ശേ​ഷം ജൂ​ലൈ​യി​ൽ കു​ട്ടി​യു​ടെ വീ​ട്ടി​ലെത്തി ബ​ലാ​ത്സം​ഗം ചെ​യ്ത സാ​ജ​ൻ (24), കാ​റി​ൽ ക​യ​റ്റി​​ക്കൊ​ണ്ടു​പോ​യി മി​ത്ര​പു​ര​ത്ത് എ​ത്തി​ച്ച് പീ​ഡി​പ്പി​ച്ച ആ​ദ​ർ​ശ് (25) എ​ന്നി​വ​രാ​ണ്​ ആ​ദ്യം പി​ടി​യി​ലാ​യ​ത്. ഇ​വ​രെ വെ​ള്ളി​യാ​ഴ്ച രാ​ത്രി വീ​ടു​ക​ളി​ലെത്തി പൊലീസ്​ ക​സ്റ്റ​ഡി​യി​ലെ​ടു​ത്തു. സെ​പ്റ്റം​ബ​റി​ൽ അ​ടൂ​ർ ഹൈ​സ്കൂ​ൾ ജ​ങ്​​ഷ​നി​ൽ​നി​ന്ന്​ സ്കൂ​ട്ട​റി​ൽ ക​യ​റ്റി​ക്കൊ​ണ്ടു​പോ​യി ഒ​രു​വീ​ട്ടി​ലെത്തിച്ച് പീ​ഡി​പ്പി​ച്ച കേ​സി​ൽ​ സ​ച്ചി​ൻ കു​റു​പ്പ് (25), കൂ​ടാ​തെ കൃ​ഷ്ണാ​ന​ന്ദ് (21), അ​ഭി​ന​വ് (20) എ​ന്നി​വ​രു​മാ​ണ്​ ശ​നി​യാ​ഴ്ച അ​റ​സ്റ്റി​ലാ​യ​ത്. ഇ​നി നാ​ലു​പേ​രെ​ക്കൂ​ടി പിടികിട്ടാനു​ണ്ട്. ഒ​രാ​ൾ വി​ദേ​ശ​ത്താ​ണ്. മ​റ്റൊ​രാ​ൾ സ്കൂ​ൾ വി​ദ്യാ​ർ​ഥി​യാ​ണെ​ന്ന് പൊ​ലീ​സ് പ​റ​ഞ്ഞു

പെ​ൺ​കു​ട്ടി​യു​ടെ മൊ​ഴി​പ്ര​കാ​രം ഒ​മ്പ​ത്​ കേ​സു​ക​ൾ ര​ജി​സ്റ്റ​ർ ചെ​യ്​​തി​ട്ടു​ണ്ട്. എ​ട്ടു​കേ​സാ​ണ് അ​ടൂ​ർ പൊ​ലീ​സ് എ​ടു​ത്ത​ത്. ഒ​രു​കേ​സ്​ ആ​ല​പ്പു​ഴ ജി​ല്ല​യി​ലാ​ണ്. ബ​ന്ധു​ക്ക​ളും സു​ഹൃ​ത്തു​ക്ക​ളും സ​ഹ​പാ​ഠി​ക​ളും മ​റ്റും പീ​ഡി​പ്പി​ച്ച​താ​യി ​കു​ട്ടി​യു​ടെ മൊ​ഴി​യി​ൽ പ​റ​യു​ന്നു. ആ​ദി​ക്കാ​ട്ടു​കു​ള​ങ്ങ​ര സ്വ​ദേ​ശി പീ​ഡി​പ്പി​ച്ച​ ആ​ദ്യ കേ​സ്​ ആ​ല​പ്പു​ഴ ജി​ല്ല​യി​ലെ നൂ​റ​നാ​ട് പൊ​ലീ​സി​ന് കൈ​മാ​റി. സ്കൂ​ളി​ൽ ശി​ശു​ക്ഷേ​മ​സ​മി​തി ന​ട​ത്തി​യ കൗ​ൺ​സ​ലി​ങ്ങി​ലാ​ണ് പീ​ഡ​ന​വി​വ​രം പു​റ​ത്തു​വ​ന്ന​ത്.

പെ​ൺ​കു​ട്ടി തു​ട​ർ​ച്ച​യാ​യി സ്കൂ​ളി​ൽ എ​ത്താ​തി​രു​ന്ന​തി​നെ​ത്തു​ട​ർ​ന്നു​ള്ള അ​ധ്യാ​പ​ക​രു​ടെ അ​ന്വേ​ഷ​ണ​ത്തി​ലാ​ണ്​ ഞെ​ട്ടി​പ്പി​ക്കു​ന്ന സം​ഭ​വ​ങ്ങ​ൾ പു​റ​ത്ത​റി​ഞ്ഞ​ത്. കു​ട്ടി​യു​ടെ ന​ഗ്ന​ചി​ത്ര​ങ്ങ​ൾ സ​മൂ​ഹ​മാ​ധ്യ​മ​ങ്ങ​ളി​ൽ പ്ര​ച​രി​ക്കു​ന്ന​താ​യി വി​വ​രം ല​ഭി​ച്ചു. ഇ​തി​​ലെ വി​ഷ​മമാ​ണ്​ കു​ട്ടി സ്കൂ​ളി​ൽ​ വരാത്തതിന് കാരണം. സ്കൂ​ളി​ലെ കൗ​ൺ​സി​ല​ർ മു​ഖാ​ന്ത​രം കാ​ര്യ​ങ്ങ​ൾ മ​ന​സ്സി​ലാ​ക്കി​യ അ​ധ്യാ​പ​ക​ർ, പ്രി​ൻ​സി​പ്പ​ലി​നെ വി​വ​രം അ​റി​യി​ച്ചു. തു​ട​ർ​ന്ന് ശി​ശു​ക്ഷേ​മ​സ​മി​തി​ക്ക് വി​വ​രം കൈ​മാ​റി. പി​ന്നീ​ട്​ അ​ടൂ​ർ പൊ​ലീ​സ് കു​ട്ടി​യു​ടെ മൊ​ഴി രേ​ഖ​പ്പെ​ടു​ത്തി​യാ​ണ്​ കേ​സെടു​ത്ത​ത്. പ്ര​തി​ക​ളെ വി​ശ​ദ​മാ​യി ചോ​ദ്യം​ചെ​യ്ത് തു​ട​ർ​ന​ട​പ​ടി​ക​ൾ​ക്കു​ശേ​ഷം കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തതായി​ ജി​ല്ല പൊ​ലീ​സ് മേ​ധാ​വി വി.​ജി. വി​നോ​ദ് കു​മാ​ർ അ​റി​യി​ച്ചു. മ​റ്റൊ​രു സം​ഭ​വ​ത്തി​ൽ ദ​ലി​ത്​ വി​ദ്യാ​ർ​ഥി​നി അ​ഞ്ചു​വ​ർ​ഷ​ത്തോ​ളം നി​ര​ന്ത​ര ലൈം​ഗി​ക പീ​ഡ​ന​ത്തി​ന്​ ഇ​ര​യാ​യ കേ​സി​ൽ ര​ണ്ടാ​ഴ്ച​ക്കി​ടെ പ​ത്ത​നം​തി​ട്ട ജി​ല്ല​യി​ലെ നാ​ല്​ ​പൊ​ലീ​സ്​ സ്​​റ്റേ​ഷ​നു​ക​ളി​ൽ 57 പ്ര​തി​ക​ൾ അ​റ​സ്റ്റി​ലാ​യി​രു​ന്നു. ആ​കെ​യു​ള്ള 60 പ്ര​തി​ക​ളി​ൽ ഇ​നി മൂ​ന്നു​പേ​രെ​യാ​ണ്​ പി​ടി​കൂ​ടാ​നു​ള്ള​ത്. ഇ​തി​നി​ടെ​യാ​ണ്​ അ​ടൂ​രി​ലും വി​ദ്യാ​ർ​ഥി​നി പീ​ഡ​ന​ത്തി​ന്​ ഇ​ര​യാ​യ വിവരം പുറത്തുവരുന്നത്.