യുഎസ് വിസയിലുള്ള ചില ജീവനക്കാരോട് അന്തർദേശീയ യാത്ര ഒഴിവാക്കണമെന്ന് ആൽഫബറ്റിന്റെ ഉടമസ്ഥതയിലുള്ള ഗൂഗിൾ ഉപദേശിച്ചതായി ബിസിനസ് ഇൻസൈഡർ വെള്ളിയാഴ്ച റിപ്പോർട്ട് ചെയ്യുന്നു. കമ്പനിക്കുള്ളിലെ ഒരു ഇമെയിൽ ഉദ്ധരിച്ചാണ് റിപ്പോർട്ട്. ഇമെയിലിൽ, യുഎസിലേക്ക് വീണ്ടും പ്രവേശിക്കാൻ വിസ സ്റ്റാമ്പ് ആവശ്യമുള്ള ജീവനക്കാർ രാജ്യം വിടരുതെന്ന് മുന്നറിയിപ്പ് നൽകിയതായി റിപ്പോർട്ടിൽ പറയുന്നു.
വിസ പ്രോസസ്സിംഗ് സമയങ്ങൾ നീണ്ടതാണെന്നും ഇമെയിൽ ചൂണ്ടിക്കാട്ടുന്നു.ചില യുഎസ് എംബസികളിലും കോൺസുലേറ്റുകളിലും വിസ അപ്പോയിന്റ്മെന്റുകൾക്ക് 12 മാസം വരെ താമസം നേരിടുന്നുണ്ടെന്ന് മെമ്മോ വ്യക്തമാക്കുന്നു. ഇതോടെ യുഎസിന് പുറത്ത് ദീർഘകാല താമസം അപകടസാധ്യത ഉണ്ടാക്കുമെന്നും മുന്നറിയിപ്പ് നൽകുന്നു. ഉയർന്ന കഴിവുള്ള തൊഴിലാളികൾക്കുള്ള H-1B വിസ അപേക്ഷകളിൽ പരിശോധന ശക്തമാക്കിയതായി പ്രസിഡന്റ് ഡോണൾഡ് ട്രംപിന്റെ ഭരണകൂടം ഈ മാസം പ്രഖ്യാപിച്ചിരുന്നു. സോഷ്യൽ മീഡിയ അക്കൗണ്ടുകളുടെ സ്ക്രീനിംഗും ഇതിൽ ഉൾപ്പെടുന്നു.
ഇന്ത്യയിലും ചൈനയിലും നിന്നുള്ള വിദഗ്ധ തൊഴിലാളികളെ നിയമിക്കാൻ യുഎസ് സാങ്കേതിക മേഖല വ്യാപകമായി ഉപയോഗിക്കുന്ന H-1B വിസ പദ്ധതി, ഈ വർഷം പുതിയ അപേക്ഷകൾക്ക് 1 ലക്ഷം ഡോളർ ഫീസ് ഏർപ്പെടുത്തിയതിന് പിന്നാലെ അപേക്ഷകരെ ട്രംപ് ഭരണകൂടത്തിന്റെ കടുത്ത നിരീക്ഷണത്തിലായിട്ടുണ്ട്. സെപ്റ്റംബറിൽ, ഗൂഗിളിന്റെ മാതൃകമ്പനിയായ ആൽഫബറ്റ് ജീവനക്കാരോട് അന്തർദേശീയ യാത്ര ഒഴിവാക്കാനും H-1B വിസയുള്ളവർ യുഎസിൽ തന്നെ തുടരാനും ശക്തമായി ഉപദേശിച്ചതായി റോയിറ്റേഴ്സും റിപ്പോർട്ടും ചെയ്തിരുന്നു.US
