ബാല്ടിമോറിൽ സെന്റ് അൽഫോൻസാ സീറോ മലബാർ ചര്ച്ചിന്റെ രക്തദാന ശിബിരം വൻ വിജയംബാല്ടിമോർ : ജീവൻ രക്ഷിക്കുന്ന മഹത്തായ സേവനത്തിന് സമൂഹം കൈകോർത്തപ്പോൾ, ബാല്ടിമോറിലെ സെന്റ് അൽഫോൻസാ സീറോ മലബാർ ചര്ച്ചിൽ സംഘടിപ്പിച്ച രക്തദാന ശിബിരം വിജയമായി. പ്രദേശത്തെ വിവിധ ഭാഗങ്ങളിൽ നിന്നെത്തിയ ദാതാക്കളുടെ സജീവ പങ്കാളിത്തം, രക്തദാനത്തിന്റെ മഹത്വവും സമൂഹത്തിന്റെ ഐക്യദാർഢ്യവും തെളിയിച്ചു. സെന്റ് അൽഫോൻസാ വാൾട്ടിമോർ സീറോ മലബാർ ഇടവകയിലെ മെൻസ് ഫോറം സംഘടിപ്പിച്ച ഈ ബ്ലഡ് ഡൊണേഷൻ ഡ്രൈവ്, ജനപങ്കാളിത്തം കൊണ്ട് വൻ വിജയമായി. വികാരി ഫാദർ ജോസി കൊല്ലംപറമ്പിൽ, മെൻസ് ഫോറം ഭാരവാഹികളായ ജോർജ് ഇയാലി പോൾ മംഗലത്ത്, ട്രസ്റ്റിമാരായ സേവ്യർ കൊണത്താപ്പിള്ളി ജോഷി വടക്കൻ, മലയാളം സ്കൂൾ പ്രിൻസിപ്പൽ തോമസ് വിതായത്തിൽ, മെൻസ് ഫോറം അംഗങ്ങൾ എന്നിവർ ബ്ലഡ് ഡ്രൈവിന് നേതൃത്വം നൽകി.
ആകെ 40 പേർ രക്തം നൽകി. ആദ്യമായി രക്തം ദാനം ചെയ്യുന്നവരും, 123-ആം പ്രാവശ്യം രക്തദാനം നടത്തിയ തോമസ് വിതായത്തിൽ പോലുള്ള സ്ഥിരം ദാതാക്കളും ഒരുപോലെ ആവേശത്തോടെ പങ്കെടുത്തത്, സമൂഹത്തിന്റെ കരുണയും ഐക്യവും പ്രകടമാക്കി. ഓരോ രക്തദാനവും അനേകരുടെ ജീവൻ രക്ഷിക്കാൻ സഹായിക്കുന്ന അമൂല്യമായ സമ്മാനമായി മാറി. അതിനൊപ്പം, 80 വയസ്സുള്ള ജെന്നി അമ്മയും രക്തദാനത്തിൽ പങ്കെടുത്തത്, പ്രായം കാര്യമല്ലാതെ സമൂഹസേവനത്തിന് എല്ലാവരും കൈകോർക്കാമെന്ന ശക്തമായ സന്ദേശമായി.
ശൈത്യകാലത്ത് രക്തത്തിന്റെ കുറവ് രൂക്ഷമാകുന്ന സാഹചര്യത്തിൽ, ഇത്തരത്തിലുള്ള ശിബിരങ്ങൾ ആശുപത്രികളിൽ ചികിത്സ ലഭ്യമാക്കുന്നതിനായി നിർണായകമാണ്. ഒരൊറ്റ രക്തദാനത്തിലൂടെ തന്നെ പല രോഗികൾക്കും ജീവൻ തിരികെ ലഭിക്കുന്നുവെന്നതാണ് ഇതിന്റെ മഹത്വം.
ദാതാക്കൾക്ക് സൗകര്യങ്ങൾ ഒരുക്കി, സഹായം നൽകി നിരവധി വോളണ്ടിയർമാർ പ്രവർത്തിച്ചു. സമൂഹ സേവനത്തിന്റെ ആത്മാവിനെ ശക്തിപ്പെടുത്തുന്ന ദിനമായിരുന്നു ഈ ശിബിരം. സൈറോ മലബാർ ചര്ച്ചിന്റെ നേതൃത്വത്തിൽ നടന്ന ഈ സംരംഭം, സമൂഹത്തിന്റെ കരുണയും ഐക്യവും തെളിയിച്ചുവെന്ന് സംഘാടകർ വ്യക്തമാക്കി.
