ടാമ്പാ, ഫ്ലോറിഡയിൽ എഫ്.എസ്.എൻ.ഒ.എൻ.എ (Federation of Sree Narayana Guru Organizations of North America) സംഘടിപ്പിക്കുന്ന 2026 ആഗോള മഹാസമ്മേളനം ജൂലൈ 2 മുതൽ 5 വരെ Embassy Suites by Hilton Tampa USF, Busch Gardens സമീപം നടക്കും. ഉത്തര അമേരിക്കയിലുടനീളം നിന്നുമുള്ള ഗുരുദേവാനുയായികളും സംഘടനാ ഭാരവാഹികളും പങ്കെടുക്കുന്ന ഏറ്റവും വലിയ സംഗമങ്ങളിലൊന്നായി ഈ മഹാസമ്മേളനം കണക്കാക്കപ്പെടുന്നു.
സമ്മേളനത്തിന്റെ രജിസ്ട്രേഷൻ കമ്മിറ്റിയെ ഔദ്യോഗികമായി പ്രഖ്യാപിച്ചു. ചെയർമാനായി അഡ്വ. ഷാനവാസ് കാട്ടൂർ, വൈസ് ചെയർമാനായി ഉണ്ണി മനപ്പുറത്തു, റീജിയണൽ ചെയർമാൻമാരായി ശ്രീജിത്, രാജി തൈവളപ്പിൽ, സുനിൽ കുമാർ കൃഷ്ണൻ, രാജീവ് വി കുമാരൻ എന്നിവരും റീജിയണൽ കൺവീനറായി അരുണ് ബാസ്കറും പ്രവർത്തിക്കും. രജിസ്ട്രേഷൻ പ്രക്രിയ സുഗമവും ക്രമബദ്ധവുമായ രീതിയിൽ നടത്തുന്നതിനായി സംഘം വിവിധ മേഖലകളിൽ പ്രവർത്തനങ്ങൾ ഇതിനകം ആരംഭിച്ചിട്ടുണ്ടെന്ന് ഭാരവാഹികൾ അറിയിച്ചു.
ഈ വർഷത്തെ രജിസ്ട്രേഷൻ പാക്കേജുകൾ പുറത്തിറക്കി. മഹാഗുരു പൂജ ($5,499 – 6 പേർ), ഗുരു പൂജ ($3,999 – 6 പേർ), ഗുരു പുഷ്പാഞ്ജലി ($1,599 – 4 പേർ), കുടുംബാർച്ചന ($1,499 – 3 പേർ), നിവേദ്യം ($1,399 – വ്യക്തിഗത), അർച്ചന ($999 – 2 പേർ) എന്നീ പാക്കേജുകളിലാണ് രജിസ്ട്രേഷൻ. പ്രസിഡൻഷ്യൽ സ്യൂട്ട്, ജൂനിയർ സ്യൂട്ട്, സ്റ്റാൻഡേർഡ് റൂമുകൾ, മൂന്ന് ദിവസത്തെ താമസ സൗകര്യം, പ്രഭാതം–ഉച്ച–രാത്രി ഭക്ഷണം, ബാങ്ക്വറ്റ് പ്രവേശനം, റിസർവ്ഡ് സീറ്റുകൾ തുടങ്ങിയവ ഉൾപ്പെടെ ഓരോ വിഭാഗത്തിനും വ്യത്യസ്ത ആനുകൂല്യങ്ങൾ ലഭ്യമാണ്. സുവിനീറിൽ ഫുൾ പേജ് പരസ്യം, കുടുംബഫോട്ടോ, വീസാ ക്ഷണക്കത്ത് എന്നിവയും പ്രത്യേക തലങ്ങളിൽ ലഭിക്കും. 2026 ജനുവരി 31-നകം രജിസ്റ്റർ ചെയ്യുന്നവർക്ക് 100 ഡോളർ ഡിസ്കൗണ്ട് ലഭിക്കും. സൗകര്യപ്രദമായ പണമടക്കലിനായി Zelle വഴി പെയ്മെന്റ് സൗകര്യം ഒരുക്കിയിട്ടുണ്ട്: nyfsnona@gmail.com
അധിക കുടുംബാംഗങ്ങൾക്ക് $300 വീതം അടയ്ക്കണം. പാക്കേജുകൾക്ക് അനുബന്ധമായി സുവിനീറിൽ ഫുൾ പേജ് പരസ്യം $200-ക്കും പകുതി പേജ് $100-ക്കും ലഭ്യമാകും. പണമടച്ചൽ Federation of Sree Narayana Guru Organizations North America എന്ന പേരിൽ ചെക്ക് മുഖേന നടത്തണം. വിലാസം: 948 Park Lane North, Franklin Square, NY 11010. രജിസ്ട്രേഷൻ ഫോമിൽ നൽകിയ ഇമെയിൽ വിലാസത്തിൽ നിന്നുമാത്രമേ മാറ്റങ്ങൾ/റദ്ദാക്കലുകൾ സ്വീകരിക്കൂ.
പൂർണ്ണ പണമടച്ചൽ 2026 മേയ് 1-നകം നിർബന്ധമാണ്. മേയ് 1-നകം റദ്ദാക്കിയാൽ 75% റീഫണ്ട് ലഭിക്കും; അതിന് ശേഷം റദ്ദാക്കുന്നവർക്ക് റീഫണ്ട് ഇല്ല. എത്താത്തവർക്ക് റീഫണ്ട് ലഭിക്കില്ല. സമ്മേളനത്തിൽ പങ്കെടുക്കുന്നവർ വ്യക്തിഗത സുരക്ഷ, മെഡിക്കൽ ഇൻഷുറൻസ്, ഉത്തരവാദിത്തങ്ങൾ എന്നിവയ്ക്ക് സ്വയം ഉത്തരവാദികളായിരിക്കും. ഹോട്ടൽ പ്രോപ്പർട്ടിക്ക് സംഭവിക്കുന്ന കേടുപാടുകളുടെ ഉത്തരവാദിത്വവും രജിസ്ട്രന്റ് കുടുംബത്തിനായിരിക്കും.
സമ്മേളനത്തിന്റെ രജിസ്ട്രേഷൻ കൂടുതൽ സുലഭമാക്കുന്നതിനായി ഓൺലൈൻ രജിസ്ട്രേഷൻ സംവിധാനവും ഒരുക്കുന്നതായി സംഘാടകർ അറിയിച്ചു. പങ്കാളികളുടെ എല്ലാ വിവരങ്ങളും ഡിജിറ്റൽ രീതിയിൽ കൈകാര്യം ചെയ്യുന്നതിനായി പ്രത്യേക പോർട്ടൽ തയ്യാറാക്കുകയാണ്.
FSNONA എക്സിക്യൂട്ടീവ് കമ്മിറ്റി — പ്രസിഡന്റ് ബിനൂബ് ശ്രീധരൻ, സെക്രട്ടറി സുജി വാസവൻ, ട്രഷറർ രാജീവ് ഭാസ്കർ, വൈസ് പ്രസിഡന്റ് സുധീർ പ്രയാഗ, ജോയിന്റ് സെക്രട്ടറി മഞ്ജുലാൽ നാകുലൻ, ജോയിന്റ് ട്രഷറർ രാജി തൈവളപ്പിൽ എന്നിവർ — ഈ മഹാസമ്മേളനം ശ്രീനാരായണ ഗുരുവിന്റെ സർവ്വമാനവ സന്ദേശവും ഐക്യവും ഉയർത്തിപ്പിടിക്കുന്ന ഒരു മഹാസംഗമമാകുമെന്ന് അറിയിച്ചു. ഉത്തര അമേരിക്കയിലുടനീളം നിന്നുമുള്ള സമൂഹങ്ങൾക്ക് ആത്മീയവും സാംസ്കാരികവുമായി വളരെയധികം പ്രാധാന്യമുള്ള ഒരു വേദി ആയിരിക്കും ഈ സമ്മേളനം.
