ബെയ്ജിങ്: യു.എസ്, റഷ്യ, ചൈന എന്നീ രാജ്യങ്ങളുടെ പ്രതിരോധ ചെലവ് 50 ശതമാനം കുറക്കാനുള്ള യു.എസ് പ്രസിഡന്‍റ് ഡോണൾഡ് ട്രംപിന്‍റെ നിർദേശം ചൈന നിരസിച്ചു.
പരമാധികാരവും വികസന താൽപര്യങ്ങളും സംരക്ഷിക്കാനും ലോക സമാധാനം ഉറപ്പുവരുത്താനും നിലവിലുള്ള പ്രതിരോധ ചെലവ് അത്യന്താപേക്ഷിതമാണെന്നും ഇത് ആയുധ മത്സരത്തിന്‍റെ ഭാഗമല്ലെന്നും ചൈനീസ് വിദേശകാര്യ മന്ത്രാലയ വക്താവ് ലിൻ ജിയാൻ അറിയിച്ചു.
പ്രതിരോധ ചെലവ് വെട്ടിക്കുറക്കുന്ന ആശയം ചർച്ച ചെയ്യാൻ റഷ്യൻ പ്രസിഡന്‍റ് വ്ലാദിമിർ പുടിനുമായും ചൈനീസ് പ്രസിഡന്‍റ് ഷി ജിങ്പിങ്ങുമായും കൂടിക്കാഴ്ച നടത്താൻ ട്രംപ് തീരുമാനിച്ചിരുന്നു. നിർദേശം റഷ്യ സ്വാഗതം ചെയ്തെങ്കിലും ചൈന നിരസിക്കുകയായിരുന്നു.
