ഇറാനുമായി സംഘര്ഷം ഉയര്ന്നുവരുന്ന പശ്ചാത്തലത്തില്, അമേരിക്ക ലോകത്തിലെ ഏറ്റവും വലിയ വിമാന വാഹക കപ്പല് കരീബിയന് കടലില്നിന്ന് മിഡില് ഈസ്റ്റിലേക്ക് അയക്കാന് ഉത്തരവിട്ടതായി റിപ്പോര്ട്ട്. വാഷിങ്ടണും ടെഹ്റാനും തമ്മിലുള്ള ചര്ച്ചകള് തുടരുന്നതിനിടെ, ഇറാനെതിരെ സൈനിക നടപടി സ്വീകരിക്കണമോ എന്ന കാര്യത്തില് അമേരിക്കന് പ്രസിഡന്റ് ഡൊണാള്ഡ് ട്രംപ് ആലോചിക്കുന്നതായും റിപ്പോര്ട്ടുകള് വ്യക്തമാക്കുന്നു.
ന്യൂ യോർക് ടൈംസ് റിപ്പോര്ട്ട് ചെയ്യുന്നതനുസരിച്ച്, യുഎസ് ഉദ്യോഗസ്ഥരെ ഉദ്ധരിച്ച് ലോകത്തിലെ ഏറ്റവും വലിയ വിമാനവാഹക കപ്പലായ USS Gerald R. Fordയും അതിനെ അനുഗമിക്കുന്ന യുദ്ധക്കപ്പലുകളും മിഡില് ഈസ്റ്റിലേക്ക് അയച്ചിട്ടുണ്ട്. ഈ കപ്പല് ഏപ്രില് അവസാനമോ മേയ് തുടക്കമോ വരെ മടങ്ങിവരാന് സാധ്യതയില്ലെന്നും റിപ്പോര്ട്ടില് പറയുന്നു.
