പാലക്കാട്: ബലാത്സംഗ പരാതിക്ക് പിന്നാലെ ഒളിവിൽ പോയ രാഹുൽ മാങ്കൂട്ടത്തിൽ വോട്ട് ചെയ്യാനെത്തി. പതിനഞ്ച് ദിവസത്തെ ഒളിവ് ജീവിതത്തിന് ശേഷമാണ് രാഹുൽ പുറത്തുവരുന്നത്. കുന്നത്തൂർമേട് ബൂത്തിലെത്തയാണ് രാഹുൽ വോട്ട് രേഖപ്പെടുത്തിയത്.
എനിക്ക് പറയാനുള്ളത് കോടതിക്ക് മുന്നിലുണ്ടെന്ന് രാഹുൽ മാധ്യമങ്ങളോട് പ്രതികരിച്ചു. ഇനി കോടതി തീരുമാനിക്കും, സത്യം ജയിക്കുമെന്നും രാഹുൽ പ്രതികരിച്ചു. എംഎൽഎ വാഹനത്തിലാണ് വോട്ട് ചെയ്യാൻ രാഹുലെത്തിയത്.
